Besnik Tahiri, anëtar i Aleancës për Ardhmërinë e Kosovës (AAK), deklaroi se takimet e kryeministrit Albin Kurti me liderët e partive opozitare nuk kishin transparencë. Këto deklarata i bëri në emisionin Pressing të televizionit T7, më 6 mars 2026.
Sipas Tahirit, Kurtit dhe Lëvizjes Vetëvendosje (VV) nuk u doli boll që të merrnin qeverinë, të nominojnë 19 ministra, pushtetin real me buxhet dhe votimin e marrëveshjeve ndërkombëtare. Ata donin ta zaptnonin edhe presidencën.
Ai e cilësoi këtë si një bluf të Kurtit, duke besuar se opozita nuk do të dëshironte zgjedhje për shkak të rezultateve. Presidenti konsensual duhej të dilte nga një tryezë e partive parlamentare në Kuvend.
Procesi u manipulua përmes diskutimesh totalisht jo transparente. Takimet u zhvilluan një me një: “Qysh folët një me një, një me një e merr njërin shkon në kafe. Kur ti ke performancë publike, ti duhet të kesh një koleg afër, shkojnë në takim ‘A ki kandidat? S’kom, ti a ki ti kandidat? S’kom’. Dalin në Kuvend, në shkallët përpjetë ‘kush është kandidat’, nuk e dimë kush është kandidat”.