Vlora Çitaku, nënkryetare e Kuvendit të Kosovës nga radhët e Partisë Demokratike të Kosovës, reagoi pas konferencës për media të kryeministrit Albin Kurti më 28 prill 2026.
Në konferencë, Kurti kërkoi nga Lidhja Demokratike e Kosovës të sjellë 15 nënshkrime për kandidatin e tyre për postin e presidentit, krahas Feride Rushitit, të nominuar nga Lëvizja Vetëvendosje.
Çitaku deklaroi se Kurti që nga fillimi nuk ka kërkuar kurrë kandidatë për president nga opozita, por vetëm kundërkandidatë për të siguruar kuorumin e nevojshëm. Ajo tha: "Pra, atë që e kemi thënë nga fillimi, doli e vërtetë: Kurti nuk ka kërkuar asnjëherë kandidatë për President nga opozita. Ai ka kërkuar kundërkandidat për të përzgjedhurin/përzgjedhurën e tij, vetëm sa për ta siguruar kuorumin. Kaq e thjeshtë. E tha vetë".