Flamur Noka, deputet i Partisë Demokratike dhe sekretar i përgjithshëm i saj, sulmoi nga foltorja e Kuvendit deputetin e Partisë Socialiste, Ardit Bido.
Noka deklaroi: «Mbaj mend kur ma sillnin në zyrën time kur isha në pushtet, herë ma sillte Shpëtim Idrizi si çam, e herë ma sillte Vangjel Dule si lab».
Bido i është përgjigjur menjëherë, duke përgënjeshtruar akuzën. Ai tha se ka qenë në zyrën e Nokës vetëm një herë, si gazetar për të marrë një intervistë.
«Replika ishte ndaj zotit Noka. I dëgjoj me vëmendje kritikat tuaja. Përvoja nuk është i vetmi tregues, dhe këtë e tregoi zoti Noka. Ai gënjeu. Kam qenë një herë te zoti Noka për ta marrë në intervistë. Nuk kam qenë asnjëherë me politikanë. Madje i prish punë dhe zotit Dule, se nuk e kam takuar kurrë», u shpreh Bido.
Ai vazhdoi duke kritikuar praktikat e Nokës në vitet kur Partia Demokratike ishte në pushtet: «Të gjithë duhej të shkonin në zyrën e tij dhe të bëheshin drejtorë. Më pas bëheshin me prona dhe apartamente. Kuksianët e tij dilnin zot me prona në Sarandë. Politika nuk bëhet me kalqe».
Ngjarja ndodhi më 5 mars 2026 në Kuvend.
Përditësime
SPAK ka nisur hetim ndaj Nokës pas hetimeve pasurore. Dyshohet se Noka, drejtor i bordit të Entit Kombëtar të Banesave në 2008, u dha 4 banesa në Sarandë familjarëve të tij nga fondi për të pastrehët:
- Dy vëllezërit në Belgjikë;
- Gruaja e vëllait;
- Motra në Kamëz.
Bido plotësoi deklaratën: "Nuk e njoh personalisht Dulen. Kjo është kalkulim i shëmtuar."