Blendi Klosi, sekretar i përgjithshëm i Partisë Socialiste, ka mbledhur në selinë e PS kryetarët socialistë të 61 bashkive të vendit. Takimi u zhvillua në kuadër të turit “Punët për Shqipërinë” dhe kishte si fokus rienergjizimin dhe procesin zgjedhor në forumet drejtuese.
Përmes një postimi në rrjetet sociale, Klosi deklaroi: “Selia e PS. Me kryetarët e Partisë Socialiste në 61 bashkitë e vendit me fokus rienergjizimin dhe procesin zgjedhor në të gjitha forumet tona drejtuese. Nga ky proces në të gjitha strukturat tona dalim edhe më të fortë, gati për një tjetër fitore bindëse në zgjedhjet vendore të vitit 2027.”
Partia Socialiste ka nisur një seri takimesh në Tiranë dhe rrethe për rienergjizimin e strukturave dhe përgatitjen për zgjedhjet vendore të 2027-s.