Rruga magjistrale Ferizaj-Gjilan është bllokuar plotësisht për qarkullimin e automjeteve për shkak të grumbullimit të madh të ujit, pas reshjeve intensive që përfshinë zonën e fshatrave Dardani, Ramjan dhe Zllatar. Drejtoria Rajonale e Policisë në Ferizaj ka bërë të ditur se rruga mbetet e pakalueshme deri në normalizimin e situatës.
Për të lehtësuar qarkullimin, autoritetet kanë caktuar këto rrugë alternative:
• Nga drejtimi Ferizaj-Gjilan: përdorimi i rrugës së fshatit Zllatar.
• Nga drejtimi Gjilan-Ferizaj: përdorimi i aksit Dardani-Zllatar, përgjatë rrugës pranë kompanisë "Metali i Ri".
Njësitë e Policisë së Kosovës ndodhen në vendin e ngjarjes për të orientuar trafikun. Qytetarët janë ftuar të tregojnë kujdes të shtuar dhe të kenë mirëkuptim deri në tërheqjen e ujit dhe rikthimin e kushteve normale për qarkullim.