Aeroplanë bombardues B-1 Lancer të Forcave Ajrore Amerikane u ulën në bazën ajrore RAF Fairford, në Gloucestershire të Britanisë së Madhe. Imazhet e publikuara tregojnë një aeroplan mallrash Boeing C-17 që ulet pas dy bombarduesve.
Ministria e Mbrojtjes britanike tha se SHBA-të kanë filluar të përdorin bazat britanike për “operacione specifike mbrojtëse” kundër Iranit. Këto operacione lidhen me përdorimin e bazave të RAF-it në mbështetje të vetëmbrojtjes kolektive të partnerëve në rajon.
Në të njëjtën kohë, presidenti amerikan Donald Trump dhe kryeministri britanik Keir Starmer zhvilluan një telefonatë disa orë pas kritikave të fundit të Trump-it ndaj Starmer-it. Ata diskutuan situatën në Lindjen e Mesme dhe bashkëpunimin ushtarak midis Mbretërisë së Bashkuar dhe SHBA-së, sipas një zëdhënësi të Downing Street-it.