Borussia Dortmund paraqitet si favoritja kryesore për të siguruar shërbimet e sulmuesit kosovar Fisnik Asllani. Mediat gjermane raportojnë se klubi verdhezinj e sheh lojtarin si zëvendësues të Serhou Guirassyt, në rast se ky i fundit largohet përmes klauzolës së lirimit.
Talenti 23-vjeçar, që luan te Hoffenheim, ka klauzolë lirimi prej 25-29 milionë euro. Gazetari Florian Plettenberg shkruan se drejtori sportiv i Dortmund-it, Ole Book, ka mbajtur kontakte të vazhdueshme me Asllanin, pasi e kishte sjellë më parë te SV Elversberg. Ky sezon, Asllani ka shënuar 9 gola dhe ka dhënë 8 asistime.
Ndër klubet e tjera të interesuara përmenden Bayern Munich dhe disa skuadra të tjera, që e ndjekin nga afër situatën. Dortmund konsiderohet si destinacioni më i mundshëm për verën e ardhshme.
Aktualisht, Fisnik Asllani është i përqendruar te përfaqësuesja e Kosovës. Ai synon të ndihmojë skuadrën për të mposhtur Sllovakinë në ndeshjen kualifikuese për Kampionatin Botëror 2026.