Klodjan Braho, kreu i SPAK-ut, kërkoi rishikimin e legjislacionit për veprat penale që trajtohen nga ky institucion. Kjo deklaratë u bë gjatë një diskutimi me Vatë Staka, ku ai theksoi nevojën për rritjen e fashës së veprave të korrupsionit aktiv dhe pasiv, aktualisht nga 50 mijë lekë të reja.
Sipas Brahos, kjo shumë është e ulët dhe rrit numrin e çështjeve në SPAK, duke ndikuar në ngarkesën e punës. Ai propozoi rritjen e fashës edhe për prokurimet publike, për arsye të ngjashme.
Sa i përket ngarkesës aktuale, Braho vlerësoi se ajo është e lartë dhe do të rritet më tej, por numri i 20 prokurorëve është i mjaftueshëm. Ai njoftoi se do të nisë rekrutimi i 40 hetuesve të tjerë në BKH, çka do të ulë ngarkesën dhe të rrisë cilësinë e hetimeve.
Procesi i konkurrimit për 10 oficerë të policisë gjyqësore ka përfunduar, ndërsa planifikohet një procedurë tjetër për OPGJ. Braho u shpreh se nuk shihne nevojë për ndryshime të tjera ligjore në këtë moment.