Një burrë u arrestua në Klinë, nën dyshimin se kishte keqtrajtuar vajzën e mitur të bashkëshortes së tij. Sipas raportit 24-orësh të Policisë së Kosovës, rasti u raportua më 26 tetor 2026, rreth orës 17:00, dhe u iniciua si “keqtrajtim i fëmijës”.
I dyshuari, i përshkruar në raportin policor si mashkull kosovar, u intervistua dhe më pas, me vendim të prokurorit, u dërgua në mbajtje. Policia nuk dha hollësi të tjera për rrethanat e rastit ose natyrën e keqtrajtimit të dyshuar.
Betimi për Drejtësi kujton se personat e përmendur në artikull konsiderohen të pafajshëm, përveç nëse fajësia e tyre vërtetohet nga gjykata me vendim të formës së prerë.