Mëngjesin e së mërkurës ndodhi një incident në stacionin Comte de Flandre të metrosë në Bruksel. Një burrë, i dyshuar për probleme psikologjike, u hodh në shina dhe u shtri mbi to, ndërsa një tren afrohej me shpejtësi. Sipas raportimeve të RTL Info, pamjet e publikuara në internet tregojnë momentin kritik të ngjarjes.
Një pasagjer zbriti menjëherë në shina për ta ndihmuar burrin, por u kthye në platformë kur pa afrimin e trenit. Pasagjerët e tjerë filluan të bërtasin dhe t’i jepnin sinjale makinistit. Drejtuesi i trenit arriti të frenojë në kohë, duke parandaluar një aksident të mundshëm.
Burri u nxor nga shinat me ndihmën e disa personave të pranishëm. Më pas, shërbimet e zjarrfikësve e transportuan në spital. Deri tani, nuk ka të dhëna zyrtare për gjendjen e tij shëndetësore.