Mesfushori brazilian Casemiro është pranë transferimit te klubi amerikan Inter Miami. Sipas gazetarit të njohur të merkatos, Fabrizio Romano, marrëveshja mes palëve është mbyllur me sukses dhe pritet vetëm nënshkrimi i kontratës dhe njoftimi zyrtar.
Lojtari 34-vjeçar, i cili largohet nga Manchester United pas përfundimit të kontratës, ka refuzuar oferta nga klube në Itali dhe Arabinë Saudite për t'iu bashkuar projektit të Inter Miamit. Një ndër faktorët kryesorë që ka ndikuar në këtë vendim është dëshira e brazilianit për të luajtur përkrah Lionel Messit.
Inter Miami vazhdon kështu ndërtimin e një skuadre me emra të mëdhenj të futbollit botëror, duke synuar konsolidimin e mesfushës dhe rritjen e konkurrueshmërisë në MLS. Zyrtarizimi i plotë dhe prezantimi i lojtarit priten të ndodhin brenda pak ditëve në vijim.
Përditësime
Casemiro i jep fund aventurës në Premier League me Manchester United. Gjatë sezonit të fundit, mesfushori brazilian regjistroi 34 ndeshje dhe 9 gola në 2589 minuta lojë, duke u transferuar tashmë te Inter Miami.