Inter Miami ka nisur bisedimet me kampin e Casemiros për një transferim në sezonin e ardhshëm në MLS. Klubi amerikan, i drejtuar nga Javier Mascherano, e sheh lojtarin brazilian si profil kyç për të sjellë balancë në mesfushë.
Sipas ekspertit të transferimeve Fabrizio Romano, kontaktet fillestare janë bërë dhe Inter Miami ka paraqitur ofertë zyrtare. Casemiro kishte njoftuar më 22 janar se do të ndahet me Manchester Unitedin në fund të sezonit aktual. Ai iu bashkua Unitedit në vitin 2022 nga Real Madridi për 60 milionë paundë, plus 10 milionë në bonuse.
Me Real Madridin, Casemiro fitoi pesë herë Ligën e Kampionëve nga viti 2014 deri në 2022. Nëse transferimi realizohet, ai do t’i bashkohet një skuadre që ka Lionel Messin dhe Luis Suárezin, duke luajtur për herë të parë me argjentinasin pas 21 përballjeve si kundërshtarë në nivel klubesh dhe kombëtaresh.
Inter Miami konsiderohet favorit, pavarësisht interesit nga klube evropiane dhe Pro League e Arabisë Saudite. Transferimi varet kryesisht nga paketa financiare, ndërsa Casemiro duket i interesuar për projektin ambicioz në Florida. Manchester Unitedi ka treguar përmirësim nën drejtimin e Michael Carrickut.