Sot, në Atlanta, përfaqësuesja e Çekisë dhe ajo e Afrikës së Jugut zhvillojnë ndeshjen e vlefshme për xhiron e dytë të Grupit A në Kampionatin Botëror 2026. Të dy ekipet vijnë në këtë përballje pas humbjeve në ndeshjet e para, ku Çekia u mposht 2-1 nga Koreja e Jugut, ndërsa Afrika e Jugut pësoi disfatë 2-0 kundër Meksikës.
Formacionet zyrtare
Ekipet kanë publikuar listat e lojtarëve që do ta nisin takimin:
• Çekia: Kovar, Holes, Hranac, Coufal, Krejci, Darida, Cerv, Sadilek, Sojka, Hlozek, Schick.
• Afrika e Jugut: Williams, Modiba, Mbokazi, Mudau, Okon, Mokoena, Mbatha, Adams, Appollis, Maseko, Rayners.
Sfidat e mëparshme kanë lënë pasoja për Afrikën e Jugut, e cila në ndeshjen ndaj Meksikës mori dy kartonë të kuq për Sphephelo Sithole dhe Themba Zwane, të cilët janë të suspenduar për takimin e sotëm. Nga ana tjetër, Çekia shihet si skuadra favorite në këtë duel, duke synuar të shfrytëzojë lojën në ajër për të shmangur një ecuri negative që historikisht e ka përcjellë vetëm në vitet 1954 dhe 1970.