Celtic ka siguruar titullin e kampionatit skocez pas një fitoreje 3-1 ndaj skuadrës së Hearts në xhiron e fundit.
Ndeshja nisi me epërsi për Hearts, e cila shënoi në minutën e 43-të me golin e Lawrence Shankland. Celtic barazoi rezultatin në minutën e tretë shtesë të pjesës së parë me një penallti të realizuar nga Arne Engels.
Në pjesën e dytë, Celtic mori epërsinë me golin e Daizen Maeda në minutën e 88-të. Goli i katërt i ndeshjes u shënua nga Callum Osmand në minutën e 98-të, duke vulosur fitoren.
Pas golit të tretë të Celtic, tifozët hynë në fushë dhe arbitri Don Robertson vendosi ta ndërpresë ndeshjen para kohe. Celtic përfundoi sezonin me 82 pikë, ndërsa Hearts mbeti i dyti me 80 pikë. Rangersi renditet i treti me 72 pikë.
Për Celtic është titulli i 56-të në histori dhe i 14-të në 15 vitet e fundit.