Kompania Rajonale e Ujësjellësit Hidroregjioni Jugor do të ofrojë furnizim alternativ me ujë për gjashtë fshatra të Komunës së Prizrenit, të prekura nga ndërprerja e furnizimit. Sipas njoftimit të kompanisë, cisterna do të qarkullojë gjatë ditës në Gjonaj, Mazrek, Kojush, Planej, Gorozhup dhe Mile, si dhe në zonat përreth.
Masa është e përkohshme dhe do të vijojë deri në sanimin e defektit në gypin kryesor që furnizon stacionet e pompimit Kojush 1 dhe Kojush 2, si dhe në rikthimin e furnizimit të rregullt me ujë.
Në një njoftim të publikuar më herët po atë ditë, kompania bëri të ditur se ndërprerja po vazhdonte për shkak të problemeve teknike në gypin kryesor dhe se defekti ende nuk ishte sanua. Sipas njoftimit, pa ujë kishin mbetur po këto gjashtë fshatra dhe zonat përreth, ndërsa ekipet teknike po punonin për riparimin e defektit dhe rikthimin e furnizimit sa më shpejt.
Kompania u ka kërkuar ndjesë konsumatorëve për shqetësimet e shkaktuara dhe i ka falënderuar për mirëkuptimin dhe bashkëpunimin gjatë ndërprerjes.