Vlora Çitaku, sekretare e përgjithshme e Partisë Demokratike të Kosovës, deklaroi se qytetarët e Kosovës përfundimisht do ta kuptojnë se Albin Kurti nuk di dhe nuk dëshiron të qeverisë, por synon të sundojë. Këto fjalë i tha në emisionin Rubikon të Klan Kosova-së më 29 prill 2026.
Çitaku theksoi se PDK-ja nuk përdor mjetet e propagandës siç bën Kurti me partinë e tij. Ajo parashikoi se rezultati i zgjedhjeve të ardhshme do të ndryshojë.
Ajo dha detaje nga prapaskenat e takimeve mes Hamzës dhe Kurtit. "Nuk ka pasur kërkesë për takim në orën 21:00, por Kurti i ka shkruar kryetarit të PDK-së në WhatsApp për t’i kërkuar mbështetjen për zonjën Feride Rushiti. I ka shkruar: ‘Ju ftoj që ta mbështesni zonjën Feride Rushiti’. Ne ia kemi bërë të qartë zotit Kurti që komunikimin tash e tutje e bëjmë vetëm formalisht", u shpreh ish-deputetja Çitaku.