Rritja e çmimeve në treg ka ndikuar drejtpërdrejt mbi çmimin e kurbaneve këtë vit në Kosovë. Çmimi i therjes së një kurbani ka arritur deri në 400 euro.
Fermeri Adhurim Berisha shpjegoi se çmimet në fermën e tij variojnë nga 220 euro për delet deri në 400 euro për dashin. Ai theksoi se kjo rritje është pasojë e shtrenjtimit të ushqimit bazë për bagëtinë. Çmimi i një dëngu sanë arriti në 5 euro, krahasuar me 1,5 deri në 2 euro vitin e kaluar.
Bashkësia Islami e Kosovës ka ngritur çmimin e therjes së kurbanit në 200 euro. Vitin e kaluar ky çmim ishte 180 euro. Organizata humanitare Islamic Relief Kosova paralajmëron se kjo situatë po vështirëson kryerjen e obligimit të kurbanit nga familjet dhe donatorët.
Organizata vazhdon shpërndarjen e mishit të kurbanit për familjet me jetimë dhe ato në asistencë sociale prej 26 vjetësh. Menaxheri Lavdim Gashi theksoi se rritja e çmimeve në treg dhe kërkesa e lartë për kafshë kanë shkaktuar këtë ndryshim.