Al Itihad u mposht dje nga Al Ahli me rezultat 3-1 në transfertë në Arabinë Saudite. Humbja ndaj kryesuesve të kampionatit i është atribuar trajnerit Sergio Conceição, i cili vendosi të përjashtojë mbrojtësin shqiptar Mario Mitaj nga lista e lojtarëve.
Sipas rregullit të ligës saudite, ekipet mund të përdorin vetëm 8 lojtarë të huaj në ndeshje. Conceição nuk e përfshiu Mitajn, 22-vjeçarin në formë të mirë, dhe zgjodhi në vend lojtarin arab Kadesh, i cili zhgënjeu me paraqitjen në fushë.
Tifozët e Al Itihad kishin paralajmëruar se mungesa e Mitajt do t’i jepte hapësirë më të madhe Riyad Mahrez-it në krahun e djathtë të Al Ahli. Ky i fundit shënoi golin e dytë, që ktheu kundërshtarin në avantazh.
Mediat dhe tifozët nuk e justifikojnë vendimin e trajnerit portugez, 51-vjeçarit, i cili shpesh kritikohet për zgjedhjet e tij. Mitaj sapo kishte filluar të luante rregullisht, pikërisht në momentin kur përgatitet për ndeshjen e Kombëtares shqiptare me Poloninë.