Al Itihad do të luajë ndeshjen e radhës përballë Al Qadisijah-s në transfertë të enjtes. Kampionët e Arabisë Saudite synojnë rikthimin te fitorja.
Trajneri Konseisao po planifikon ndryshime në formacion për këtë sfidë. Gjasat janë të larta që Mario Mitaj, mbrojtësi i Kombëtares shqiptare, të rikthehet në skuadër.
Periudha prej katër ndeshjesh në tribunë është më e gjata që Mitaj ka provuar si zgjedhje teknike e trajnerit. Konseisao ka shpjeguar se vendimi lidhet me numrin e lojtarëve të huaj, të cilët lejohen vetëm tetë në listë. Mitaj nuk ka qenë i përfshirë në këtë listë për katër ndeshjet e fundit.
Mungesa e tij është ndier gjatë pesë javësh, por ndeshja e parë ishte për shkak të pezullimit nga kartonët.