Në ambientet e zyrave qendrore të Credins Bank, drejtuesit e institucionit financiar dhe të Federatës Shqiptare të Futbollit (FSHF) prezantuan kartën e re të parapaguar "GOOL". Ky produkt vjen si vazhdimësi e marrëveshjes së bashkëpunimit të nënshkruar në vitin 2024, me qëllim mbështetjen e futbollit shqiptar dhe krijimin e eksperiencave unike për tifozët.
Në takimin e nivelit të lartë morën pjesë:
• Maltin Korkuti, Drejtor i Përgjithshëm i Credins Bank;
• Monika Milo, zv. Drejtore e Përgjithshme e Credins Bank;
• Armand Duka, President i FSHF;
• Ilir Shulku, Sekretar i Përgjithshëm i FSHF;
• Irida Huta, Manaxhere për Mastercard Shqipëri.
Karta "GOOL" është konceptuar për të ndërthurur shërbimet bankare me përfitime të lidhura drejtpërdrejt me botën e futbollit. Përfaqësuesit e institucioneve theksuan se ky produkt shkon përtej funksionalitetit tradicional të një karte bankare, duke synuar të afrojë sportin me komunitetin dhe të forcojë lidhjen me tifozët brenda dhe jashtë vendit.