Klubi zikaltër i Interit dhe trajneri Cristian Chivu kanë arritur marrëveshje për vazhdimin e bashkëpunimit. Kontrata e re parashikon që tekniku rumun të mbetet në krye të skuadrës deri në verën e vitit 2028, me një opsion për ta zgjatur marrëveshjen edhe për një sezon të dytë, deri në vitin 2029.
Sipas detajeve të bëra publike, Cristian Chivu do të përfitojë një pagë vjetore prej rreth 4 milionë eurosh. Ky rinovim pason një sezon të suksesshëm debutues, ku nën drejtimin e tij, skuadra siguroi titullin kampion në Serie A dhe triumfoi në Coppa Italia.
Takimi i fundit mes palëve në selinë e klubit ka shërbyer për të finalizuar detajet e kontratës, si dhe për të diskutuar strategjinë e merkatos dhe përforcimin e grupit për sezonin e ri. Presidenti i Interit, Giuseppe Marotta, pritet ta zyrtarizojë këtë marrëveshje gjatë pjesëmarrjes së tij në Festivalin e Serie A në ditët në vijim.