Klubi i Interit ka konfirmuar zyrtarisht vazhdimin e bashkëpunimit me trajnerin Cristian Chivu. Pas finalizimit të detajeve nga agjenti Pietro Chiodi, palët kanë nënshkruar një marrëveshje që e mban teknikun rumun në stolin zikaltër deri në përfundim të vitit 2028.
Në njoftimin e tij, klubi theksoi kënaqësinë për këtë rinovim, i cili synon të garantojë qëndrueshmëri në rezultate dhe trofe për skuadrën. Kontrata e re përfshin një rritje të pagës vjetore të trajnerit në 3 milionë euro.
Ky vendim vjen pas një edicioni të suksesshëm për Chivun, i cili udhëhoqi Interin drejt fitimit të titullit të 21-të kampion në Itali, si dhe triumfit në Kupën e Italisë. Puna e tij është vlerësuar lart nga drejtuesit e klubit për kthimin e skuadrës në majën e futbollit italian, pas rezultateve të sezonit të kaluar.