Pas përfundimit të Kupës së Botës 2026, raportimet e shumta tregojnë se Cristiano Ronaldo është drejt tërheqjes nga futbolli ndërkombëtar. Ndeshja ndaj Uellsit, e cila do të zhvillohet më 24 shtator 2026 në stadiumin "José Alvalade" në Lisbonë, pritet të shënojë fundin e një karriere dydekadëshe me ekipin kombëtar të Portugalisë.
Zgjedhja e stadiumit "José Alvalade" mbart një domethënie të veçantë, pasi është vendi ku Ronaldo hodhi hapat e parë të karrierës së tij si profesionist me klubin e Sportingut. Edhe pse Federata Portugeze e Futbollit nuk ka publikuar ende një njoftim zyrtar, burimet konfirmojnë se po planifikohet një ceremoni lamtumire për këtë rast.
Gjatë kohës së tij në kombëtare, Ronaldo ka arritur suksese të mëdha, duke udhëhequr ekipin drejt fitores në Euro 2016 dhe në Ligën e Kombeve. Me 233 ndeshje dhe 146 gola, ai mbetet golashënuesi më i mirë në historinë e futbollit të kombëtareve, duke mbyllur kështu një epokë për futbollin botëror.