Departamenti i Shtetit i SHBA-së (DASH) do të pezullojë përpunimin e vizave për vizitorët nga 75 vende duke filluar nga 21 janari, raporton Fox News, duke cituar një memorandum të DASH-it.
Sipas raportit, memorandumi udhëzon ambasadat amerikane të refuzojnë vizat sipas ligjit ekzistues, ndërsa departamenti rishikon procedurat. Nuk është dhënë afat kohor për pezullimin.
Ndër vendet e prekura përmenden Somalia, Rusia, Irani, Afganistani, Brazili, Nigeria dhe Tajlanda. Burime të tjera shtojnë Iraku, Egjiptin dhe Jemenin.
Zyrtarë të DASH-it nuk kanë dhënë ende koment zyrtar. Një zëdhënës konfirmoi pezullimin, por pa detaje të mëtejshme.
Ky vendim vjen në kuadër të masave kundër imigracionit të ndjekura nga Presidenti Donald Trump që kur mori detyrën në janarin e kaluar. Në nëntor, Trump u zotua të ndalonte migracionin nga "vendet e Botës së Tretë" pas një incidenti me të shtëna pranë Shtëpisë së Bardhë, ku një shtetas afgan vrau një anëtar të Gardës Kombëtare.
Një raport përmend se Shqipëria dhe Kosova mund të jenë në listë, ndërsa Serbia jo, por kjo nuk konfirmohet nga burime të tjera.