Dashamir Shehi, kryetar i Lëvizjes për Zbatimin e Ligjit e të Drejtësisë (LZHK), u shpreh në emisionin "Off the Record" të A2 CNN se Prokuroria e Posaçme Kundër Korrupsionit dhe Krimit të Organizuar të Rëndë (SPAK) do të ndihmojë në largimin e qeverisë së kryeministrit Edi Rama nga pushteti.
Shehi krahasoi këtë proces me shembuj nga Ballkani. Ai përmendi largimin e ish-kryeministrit maqedonas Nikola Gruevski përmes një procedure prokuroriale, ku u kap për një makinë, pavarësisht akuzave më të rënda. Procese të ngjashme, sipas tij, kanë ndihmuar rotacionin në Mal të Zi, Kroaci, Rumani dhe Kosovë.
Me ironi, Shehi dyshoi nëse largimi i Ramës do të ndodhë përmes SPAK-ut apo me metodën e SHBA-së në Venezuelë kundër Nicolás Maduro-s. Ai tha se për Shqipërinë do t’i duheshin SHBA-së dy helikopterë, jo një. Kjo deklaratë shkaktoi të qeshura në studio.
Politologu Ermal Hasimja iu përgjigj me shaka se për të kapur të korruptuarit në Shqipëri do i duhej një vapor. Diskutimi u zhvillua në prani të gazetarit Andrea Danglli.
Pjesë nga dialogu:
• Shehi: "Në Maqedoni si u largua Gruevski? Me këtë lloj procesi... E njëjta gjë në Mal të Zi, Kroaci, Rumani. Tani unë shpresoj që... do vij ndonjë helikopter si atje në Venezuelë. Bile unë them se për këtu te ne nuk duhet një, por dy helikopterë.
• Hasimja: "Këtu duhet një vapor."