Dekreti i presidentes Vjosa Osmani për shpërndarjen e Kuvendit të Kosovës ka nxitur debate juridike lidhur me mundësinë e zgjedhjeve të parakohshme. Vëmendja është drejtuar te Gjykata Kushtetuese, e cila do të përcaktojë zhvillimet e mëtejshme politike.
Analistët vlerësojnë se shkuarja në zgjedhje nuk i konvenon Kosovës, pasi Gjykata Kushtetuese mund t’i japë partive mundësi për zgjedhjen e presidentit. Politologu Dorajet Imeri deklaroi se partive u duhet të reflektojnë për gjetjen e një emri konsensual, që do të çonte në konsolidimin e institucioneve. Në të kundërt, një proces zgjedhor i ri mund të mos prodhojë zgjidhje të qëndrueshme afatgjatë.
Njohësi i Kushtetutës Mazlum Baraliu pret një vendim të shpejtë nga Gjykata Kushtetuese për të shmangur një krizë të re. Ai thekson se zgjedhjet nuk janë zgjidhje, pasi deputetët dhe partitë kanë marrë besimin e qytetarëve për të ndërtuar institucione, jo për të penguar njëri-tjetrin me taktika politike.
Partia në pushtet ka kundërshtuar dekretin e presidentes, ndërsa opozita e ka përkrahur. Shoqëria civile ka bërë thirrje për përmbylljen sa më të shpejtë të këtij procesi në rrethanat e krijuara politike.
Përditësime
Shoqëria civile kërkon përmbylljen sa më të shpejtë të procesit të emërimit të përbërjes së re të KQZ-së, për të shmangur rrezikun që vendi të shkojë në zgjedhje pa e përfunduar atë.