Reshjet e dëborës kanë filluar në Kroaci që nga mbrëmja e kaluar, duke mbuluar disa zona me një shtresë të bardhë.
Në Gorski Kotar dhe pjesë të veri-perëndimit të Kroacisë, reshjet janë intensive. Për zonën rreth Gospićit janë lëshuar paralajmërime për akumulim deri në 50 cm dëborë, sipas index.hr.
Rreth Zagrebit është dhënë paralajmërim portokalli për erë të fortë veriore dhe veriore-lindore, me shpejtësi 55-90 km/h.
Parashikimet për Ballkanin
Parashikohet që reshjet e shiut në disa zona të Ballkanit të kalojnë gradualisht në dëborë. Në zona malore mund të akumulohen 20-40 cm borë, varësisht nga lartësia. Mot i keq pritet të vazhdojë nesër edhe në Kosovë.
Ky ndryshim moti ka nisur tashmë në Kroaci dhe pritet të shtrihet në vende të tjera të rajonit.