Reshjet e dëborës janë rikthyer në zonën e Dardhës në Korçë prej mesnatës. Reshjet mesatare kanë përfshirë zonën, ku trashësia e dëborës ka kaluar 15 cm dhe në disa vende të caktuara arrin deri në 20 cm.
Mjetet borëpastruese janë në punë në aksin rrugor Boboshticë-Dardhë, ku po kryhet largimi i dëborës dhe kriposja për ta mbajtur rrugën të hapur për qarkullim.
Në akset e tjera nacionale të qarkut të Korçës nuk janë regjistruar reshje dëbore dhe ato mbeten të qarkullueshme pa probleme. Midis tyre përmenden:
- Qafë Thanë–Pogradec,
- Qukës–Qafë Plloçë,
- Korçë–Kapshticë,
- Korçë–Ersekë.