Mëngjesin e së mërkurës, 18 mars 2026, në Korçë janë regjistruar reshje të lehta dëbore në segmentin rrugor Boboshticë–Dardhë.
Pavarësisht se stina e pranverës ka filluar, zona e Dardhës u përfshi nga reshje me intensitet të ulët gjatë orëve të para të mëngjesit. Fshatrat turistike Boboshticë dhe Dardhë u mbuluan me dëborë.
Firma kontraktore e angazhuar ndërhyri menjëherë për pastrimin e rrugëve dhe kriposjen e tyre, duke siguruar qarkullimin e automjeteve.
Qytetarët dhe drejtuesit e automjeteve këshillohen të tregojnë kujdes gjatë lëvizjes në segmentin e prekur.