Delegacioni i Bashkimit Evropian në Tiranë ka reaguar për protestën kombëtare të opozitës, të mbajtur pasditen e së dielës më 22 mars.
Reagimi u dha në përgjigje të interesit të gazetarit Ergys Gjençaj të News24. Delegacioni rithekson se të gjithë kanë të drejtën e lirisë së tubimit paqësor, siç parashikohet në Kartanë e të Drejtave Themelore të BE-së.
Ai shton se përdorimi i dhunës nuk mund të justifikohet për asnjë arsye dhe se të gjithë aktorët politikë duhet të distancohen prej saj. Opozita ka një rol të rëndësishëm për të luajtur në parlament dhe në jetën demokratike të vendit.
Ky rol bëhet veçanërisht i rëndësishëm në kontekstin e reformave themelore. Reagimi u publikua më 24 mars nga mediat shqiptare.