Delegacioni i Bashkimit Evropian në Tiranë reagoi të dielën, më 1 mars 2026, në lidhje me protestën e opozitës të mbajtur në kryeqytet një ditë më parë. Në një postim në rrjetet sociale, përfaqësia e BE-së shprehet e shqetësuar për aktet e dhunës, duke përmendur përdorimin e koktejesh molotov në disa zona, përfshirë vilën e ish-diktatorit Enver Hoxha, sot qendër kulturore dhe rezidencë për artistë.
Sipas reagimit zyrtar, e drejta për tubim paqësor është shtyllë themelore e shoqërisë demokratike, por ajo duhet të ushtrohet me përgjegjësi, në respekt të sundimit të ligjit dhe sigurisë së individëve. "Në këtë kontekst, Delegacioni i BE-së shpreh shqetësim për aktet e fundit të dhunës në Tiranë, të cilat rrezikuan jetë njerëzish", thuhet aty.
Përfaqësia e BE-së u bën thirrje aktorëve politikë të tregojnë vetëpërmbajtje dhe të angazhohen konstruktivisht për reformët kyçe në rrugën e Shqipërisë drejt Bashkimit Evropian.
Ndërkohë, autoritetet kanë arrestuar 4 persona për hedhjen e molotovëve gjatë protestës. Kryeministri Edi Rama deklaroi se artistët në vilë u traumatizuan nga incidenti dhe akuzoi Partinë Demokratike për plane dhune. Ambasada franceze në Tiranë dënoi sulmin ndaj vilës, e cila menaxhohet nga një fondacion francez.
Përditësime
Ambasada Gjermane në Shqipëri dënoi sulmet me molotovë dhe fishekzjarre ndaj vilës së Enver Hoxhës dhe mbështet deklaratën e Delegacionit të BE-së kundër dhunës.