Xhelal Mziu, deputet i Partisë Demokratike, u paraqit këtë të premte, më 6 mars 2026, në Prokurorinë e Posaçme Kundër Korrupsionit dhe Krimit të Organizuar (SPAK).
Ai qëndroi në ambientet e SPAK-ut për rreth 1 orë.
Në dalje, para mediave, Mziu shpjegoi se ishte thirrur për një koment në lidhje me një çështje policie.
"Isha për një koment, për një çështje policie. As zgjedhje, asgjë tjetër," u shpreh ai.
Ndaj deputetit të PD-së ekziston një kallëzim i depozituar në qershor të vitit të kaluar nga Agron Malaj, deputet i Partisë Socialiste për Dibrën.
Malaj e ka kallëzuar Mziun për veprën penale të shpifjes.
Më herët, në vitin 2024, Xhelal Mziu është marrë në pyetje nga prokurorët e SPAK-ut për një rast tjetër, i lidhur me tenderat në kohën kur drejtonte bashkinë Kamëz.
Përditësime
Xhelal Mziu u paraqit i vetëm në SPAK, pa praninë e një avokati.
Në dalje, refuzoi sqarime për mediat dhe deklaroi se bëhet fjalë për një çështje policore, pa lidhje me zgjedhjet.