Përfaqësuesit e lëvizjes protestuese kanë njoftuar një valë mobilizimi në komunitetet shqiptare jashtë vendit. Aksioni është koordinuar për t'u zhvilluar njëkohësisht në disa qendra ndërkombëtare, ku protestuesit kërkojnë dorëheqjen e kryeministrit Edi Rama.
Sipas njoftimeve, tubimet do të zhvillohen në këto qytete:
- Shtetet e Bashkuara dhe Kanada: New York, Chicago, Boston, Michigan dhe Toronto.
- Gjermani: Berlin, Mynih, Këln dhe Stuttgart.
- Itali dhe Greqi: Athinë, Gjenovë dhe Faenza.
- Vendet e tjera europiane dhe Skandinavia: Hagë, Strasburg, Vjenë, Oslo dhe Odense.
Organizatorët theksojnë se këto protesta synojnë të shfaqin solidaritet me kërkesat e qytetarëve në Shqipëri. Mobilizimi vjen pas një serie tubimesh të zhvilluara në territorin shqiptar dhe në disa qytete të tjera europiane gjatë javëve të fundit.