Një automjet u përfshi nga flakët gjatë natës në lagjen nr. 4 të Sarandës, duke u djegur plotësisht. Automjeti ishte në pronësi të shtetasit Aljon Pasho, 38 vjeç.
Sipas burimeve nga policia, Pasho rezulton me precedentë penalë të mëparshëm. Ai është dënuar më herët me 4 vite e 5 muaj burg për vepra penale që lidhen me marrëdhënie seksuale me të mitur dhe përndjekje.
Forcat e rendit kanë nisur hetimet për zbardhjen e rrethanave të ngjarjes. Autoritetet po punojnë për identifikimin dhe kapjen e autorëve të dyshuar, si dhe për të përcaktuar nëse bëhet fjalë për zjarrvënie të qëllimshme. Hetimet vijojnë dhe materialet i janë referuar organeve kompetente për veprime të mëtejshme.