Ngjarja është regjistruar gjatë orëve të para të mëngjesit të datës 22 gusht 2026. Shtetasi Y. T., rreth 41 vjeç, ka njoftuar Sallën Operative të Policisë pasi ka dëgjuar një zhurmë të fortë. Pas kontrollit në oborrin e banesës së tij në rrugën “Lunxheria”, ai ka konstatuar dëmtime të lehta në pasqyrë dhe në derën e drejtuesit të automjetit.
Sipas informacioneve paraprake, bëhet fjalë për një sasi të vogël lënde plasëse, e cila është hedhur në drejtim të mjetit nga një person që ende nuk është identifikuar nga uniformat blu. Grupi hetimor, në bashkëpunim me Prokurorinë, po kryen verifikimet e nevojshme për zbardhjen e plotë të rrethanave të kësaj ngjarjeje, si dhe për identifikimin dhe kapjen e autorit ose autorëve të dyshuar.
Policia po heton ngjarjen në disa pista për të përcaktuar motivet e këtij sulmi, i cili fatmirësisht ka shkaktuar vetëm dëme të kufizuara materiale. Deri në këto momente nuk raportohet për persona të lënduar.
Përditësime
Policia e Shtetit identifikoi pronarin e automjetit të dëmtuar nga shpërthimi në Laknas si shtetasi Ylli Troci. Identifikimi i 41-vjeçarit është bërë gjatë veprimeve hetimore në vendin e ngjarjes dhe banesën e tij në rrugën “Lunxheria”.