Një automjet u përfshi nga flakët në autostradën Fier-Vlorë gjatë mbrëmjes së 16 marsit 2026.
Makina u djeg pothuajse plotësisht, duke pësuar dëme të mëdha materiale. Sipas informacioneve paraprake, nuk raportohen persona të lënduar.
Në vendngjarje mbërritën shërbimet e policisë dhe zjarrfikësve, të cilët ndërmorën masa për shuarjen e flakëve. Policia ka nisur hetimet për zbardhjen e shkaqeve.
Ende nuk dihet nëse zjarri u shkaktua nga një defekt teknik apo rrethana të tjera, ndonëse disa burime dyshojnë për defekt në mjet.
Përditësime
Automjeti i djegur ishte tip Benz. Ngjarja ndodhi pranë mbikalimit të Panajës.
Drejtuesi vuri re tym gjatë lëvizjes, ndaloi menjëherë dhe doli jashtë.
Zjarri dëmtoi pjesërisht barrierat anësore të rrugës.
Ngjarja ka shkaktuar vështirësi të përkohshme në qarkullimin e automjeteve në aksin rrugor të frekuentuar Fier–Vlorë.