Sot në kryeqytet po zhvillohet dita e 50-të e protestave të vazhdueshme. Protestuesit janë grumbulluar në sheshin Skënderbej, për të marshuar më pas drejt godinës së Kryeministrisë, ku kanë zhvilluar fjalimet e radhës.
Gjatë tubimit, pjesëmarrësit kanë bërë thirrje për dorëheqjen e kryeministrit Edi Rama dhe largimin e asaj që e konsiderojnë si klasa e vjetër politike. Gjithashtu, protestuesit kanë kërkuar hetimin e kryeministrit dhe të zëvendëskryeministres Belinda Balluku, duke i cilësuar ata si përgjegjës për situatën aktuale në vend.
Në lidhje me vijimin e protestave, qytetarët kanë bërë të ditur se në datën 23 korrik do të mbahet një tubim paradite para Kuvendit të Shqipërisë. Ky veprim vjen si shenjë pakënaqësie ndaj përfaqësimit dhe punës së institucionit ligjvënës.