Ish-lideri i Republika Srpska, Millorad Dodik, ka njoftuar përmes rrjetit social X se ka thirrur një takim urgjent me udhëheqësit e Serbisë. Vendimi vjen pas diskutimeve në kryesinë e Aleancës së Social Demokratëve të Pavarur mbi ndikimin e aleancës ushtarake mes Tiranës, Prishtinës dhe Zagrebit.
Sipas Dodik, kjo aleancë përbën një kërcënim të drejtpërdrejtë për Republikën Serbe. Lidhur me këtë zhvillim ka reaguar edhe Srna Kovaç, anëtar i Komitetit të Mbrojtjes dhe Punëve të Brendshme të Parlamentit serb.
Kovaç e ka cilësuar rrezikun si real dhe ka bërë të ditur se në tryezën e konsultimeve me Serbinë mund të përfshihet edhe Hungaria, si mbështetëse e palës serbe. Qëllimi i takimit është përcaktimi i një qëndrimi të përbashkët dhe vendosja e hapave të mëtejshëm për forcat politike të ashtuquajturës "Botë Serbe".