Donald Trump, presidenti i Shteteve të Bashkuara, ka arritur në Zvicër ku do t’i adresohet Forumin Ekonomik të Davosit, në një kohë të tensioneve me udhëheqësit evropianë për shkak të synimit të Uashingtonit për të marrë kontrollin e Grenlandës.
Udhëtimi i Trumpit drejt Zvicrës filloi më herët gjatë ditës, por avionin presidencial e ktheu mbrapsht një problem teknik pak pas nisjes. Pas kësaj, ai dhe ekipi i tij ndërruan avion dhe u nisën rreth dy orë e gjysmë më vonë, sipas raportimeve kryesore. Një burim tjetër përmend një vonesë prej rreth dy orësh.
Avioni ateroi në Cyrih në mesditë, ndërsa udhëheqësi amerikan tani po niset drejt Davosit. Forumit po i marrin pjesë shumica e udhëheqësve evropianë dhe zhvillimet do të përcillen në kohë reale.