Pas një mungese fizike në edicionin e kaluar, kur mori pjesë vetëm përmes videolidhjes, Donald Trump pritet të mbërrijë në Zvicër për Forumin Ekonomik Botëror në Davos. Vizita e tij është planifikuar për datën 18 janar, sipas raportimeve të gazetës zvicerane Blick.
Përgatitjet për sigurinë kanë filluar tashmë, me bashkëpunim midis Shërbimit Sekret Amerikan dhe autoriteteve zvicerane. Ardhja e presidentit do të kryhet me avionin presidencial Air Force One, i cili posedon teknologji të avancuara mbrojtëse, duke përfshirë sisteme kundër raketave dhe mbrojtje nga impulsat elektromagnetike. Një avion transportues me pajisje logjistike ka mbërrittur tashmë në Aeroportin e Zürichut të dielën.
Për të ruajtur sigurinë gjatë uljes, agjentët amerikanë do të marrin nën kontroll kullën e vrojtimit në Zürich, siç ka ndodhur në vizitat e mëparshme të Trump në vitet 2018 dhe 2020. Transporti nga Zürichu drejt Davosit do të varet nga kushtet e motit: nëse ato janë të favorshme, do të përdoren helikopterë ushtarakë, të shoqëruar nga mjete të tjera për të fshehur vendndodhjen e saktë të presidentit.
Në rast moti të keq, do të përdoret limuzina e blinduar 9-tonëshe, e njohur si Bisha (The Beast). Kjo mjet posedon xhama dhe dyer të trashë 15 centimetra, si dhe rezerva të brendshme oksigjeni dhe të gjakut të grupit të presidentit. Delegacioni amerikan do të shoqërohet gjithashtu nga valixhja me kodet e autorizimit për sulme bërthamore.
Ushtria zvicerane do të mobilizojë një numër të madh trupash për të siguruar zonën e Davosit, ndërsa forcat ajrore do të mbikëqyrin hapësirën ajrore në koordinim me shërbimet sekrete amerikane.