Fazli Ndrecaj, i dyshuar për vepra penale lidhur me narkotikët, u dorëzua të enjten në stacionin policor të Suharekës. Dorëzimi ndodhi rreth orës 19:30, i shoqëruar nga avokati i tij.
Lajmin e konfirmoi zëdhënësi i Policisë për Rajonin e Prizrenit, Shaqir Bytyqi. Ai shpjegoi se Ndrecaj dyshohet për shitjen dhe posedimin e lëndëve narkotike, në kuadër të rastit me 500 kilogramë narkotikë.
I dyshuari ishte në arrati që nga 7 tetori 2025. Veprat penale përfshijnë kultivimin e bimëve narkotike, blerjen, posedimin dhe shitjen paautorizuar të substancave psikotrope, si dhe mbajtjen paautorizuar të armëve.
Menjëherë pas dorëzimit u njoftua Njësia e Hetimit të Trafikimit me Narkotikë, e cila, në konsultim me prokurorin, do të vazhdojë procedurat e mëtejshme ligjore.
Përditësime
Policia ka konfirmuar dyshimet se Fazli Ndrecaj lëvizte i armatosur.
Zhvillime të tjera:
- Plan operativ për lokalizimin dhe arrestimin me njësi në uniformë dhe rroba civile.
- Drejtoria e Përgjithshme e Policisë në Prishtinë e njoftuar dhe gati për asistencë.