Erkand Shabani, drejtori i kompanisë Onima, u ndalua për 48 orë nga autoritetet, nën dyshimin se ka kryer veprën penale të ngacmimit.
Zëdhënësja e Prokurorisë Themelore në Prishtinë, Kaltrina Shala, konfirmoi se ndalimi është bërë me urdhër të Prokurorit të Shtetit për personin me inicialet E.Sh., dyshuar për ngacmim sipas nenit 182 të Kodit Penal të Republikës së Kosovës. Prokuroria po ndërmerr masa hetimore për zbardhjen e rastit.
Ky zhvillim vjen pas kallëzimit penal të bërë në muajin mars nga artisti Gjesti kundër kompanisë Onima, stafit dhe bashkëpunëtorëve të saj. Gjesti deklaroi se kërkon vetëm lirinë kontraktuale dhe paratë që i takojnë. «Kemi bërë kallëzim penal ndaj Onima. Nuk po lypi kurgjo ma shumë e as ma pak, veç me qenë i lirë dhe parët e mia», u shpreh ai para mediave.
Hetimet vazhdojnë sipas procedurave ligjore.
Përditësime
Erkand Shabani është liruar nga paraburgimi, ka mësuar lajmi.net nga burime të afërta me hetimin.