Drita e Gjilanit fitoi Kupën e Kosovës në volejboll për femra në finalen e luajtur të dielën mbrëma në palestrën "1 Tetori" në Prishtinë kundër Fer Volley të Ferizajt.
Ndeshja u mbyll me fitoren e Dritës me rezultat 3:2 në sete. Fer Volley fitoi setet e para me 25:18 dhe 25:22. Drita u kthye duke fituar setin e tretë me 29:27, të katërtin me 25:22 dhe vendimtarin me 15:13.
Drita kishte gjashtë volejbolliste të huaja në skuadër, ndërsa Fer Volley katër. Në gjysmëfinale, Drita kishte mposhtur Ferizajt me 3:1 në sete, kurse Fer Volley kishte eliminuar Fushë Kosovën me 3:0 në sete.
Në ceremoninë e ndarjes së medaljeve dhe trofeut, Dhurata Sylejmani u shpall lojtarja më e mirë e finales.