Arman Durmishi, sulmuesi 17-vjeçar shqiptar i Juventus U20, shënoi golin e dytë në çerekfinalen e Kupës së Italisë U20 kundër Interit. Juventus U20 fitoi me rezultatin 3-0, duke siguruar kalimin në gjysmëfinale.
Durmishi e nisi ndeshjen nga stoli, ndërsa ekipi i tij kishte marrë avantazhin që në minutat e para. I aktivizuar në pjesën e dytë, ai realizoi në minutën e 81-të, duke çuar rezultatin në 2-0 të përkohshëm.
Në portën e Interit aktivizohej portieri shqiptar Alain Taho. Ky ishte goli i 7-të për Durmishin në këtë sezon, në 15 paraqitje me Juventus U20.
Talenti shqiptar, i cili braktisi Slloveninë për të luajtur me ngjyrat kuqezi, po konfirmohet rregullisht në akademinë e Juventusit dhe forcon perspektivat me Kombëtaren shqiptare.