Prokuroria Themelore në Mitrovicë ka njoftuar se ka ndaluar dy persona me inicialet E.L. dhe B.N. për 48 orë, nën dyshimin për kryerjen e veprës penale "Lëndimi i lehtë trupor" ndaj Hysni Mehanit, zëvendësministër i Financave dhe kryetar i degës së Lëvizjes Vetëvendosje në Skenderaj, dhe Bahri Zabelit.
Janë intervistuar në cilësinë e viktimave Hysni Mehani dhe Bahri Zabeli, si dhe pesë dëshmitarë. Të dyshuarit E.L. dhe B.N. u dërguan në mbajtje me vendim të prokurorit.
Sami Lushtaku, kryetar i Komunës së Skenderajt, dhe i dyshuari me inicialet K.H. nuk i janë përgjigjur ftesës për intervistim.
Hysni Mehani, Bahri Zabeli dhe Lëvizja Vetëvendosje thonë se sulmi është kryer nga Sami Lushtaku dhe truprojat e tij. Sami Lushtaku e ka mohuar akuzën përmes një postimi në Facebook.
Njësia speciale e policisë ka vendosur në Skenderaj dhe ndalon vetura për kontroll, siç tregojnë pamjet e publikuara.