Dy persona u plagosën me armë zjarri në orët e hershme të mëngjesit në Prishtinë.
Ngjarja ndodhi rreth orës 04:00 në rrugën "Ahmet Krasniqi". Policia mori informacionin për plagosjen dhe menjëherë doli në vendngjarje.
Zëdhënësi i Policisë për rajonin e Prishtinës, Enis Pllana, konfirmoi rastin. Ai bëri të ditur se, bazuar në informatat fillestare, dyshohet se dy persona u plagosën me armë zjarri dhe u dërguan për tretman mjekësor.
Hetuesit policorë, në koordinim me Prokurorin e Shtetit, po vazhdojnë veprimet hetimore për zbardhjen e plotë të rrethanave të ngjarjes.
Përditësime
Naser Syla, drejtor i Klinikës Emergjente në Prishtinë, dha detaje të reja mjekësore për dy të plagosurit në lagjen Arbëria.
Të plagosurit 31 dhe 36 vjeç janë në gjendje të rëndë:
- Njëri po operohet, në gjendje të rëndë dhe jo stabile.
- I dyti në gjendje të rëndë, por stabile.