Ngjarja ka ndodhur rreth orës 01:50 të mëngjesit të datës 28 korrik 2026, në afërsi të picerisë “Doro”. Pas marrjes së njoftimit, njësitet policore kanë dalë në vendin e ngjarjes, ku kanë gjetur të braktisur një automjet tip BMW X6 me targa 01-999-HV, i cili dyshohet se është përdorur nga autorët për t'u larguar.
Drejtori i Emergjencës në QKUK, Naser Syla, ka konfirmuar se i plagosuri Kreshnik Maloku është jashtë rrezikut për jetë. Pas trajtimit fillestar në Qendrën Emergjente, pacienti është transferuar në Klinikën e Ortopedisë për vazhdimin e trajtimit mjekësor.
Zëdhënësi i Policisë për Rajonin e Prishtinës, Enis Pllana, ka konfirmuar se policia është duke zhvilluar veprime hetimore për zbardhjen e rrethanave të këtij rasti. Me urdhër të Prokurorit të Shtetit, ngjarja është iniciuar si vepër penale “Lëndim i rëndë trupor”. Ekipet e forenzikës kanë kryer ekzaminimet e nevojshme në vendin e ngjarjes, ndërsa kërkimet për gjetjen e dy të dyshuarve, Amar dhe Amir Xhemshiti, vijojnë ende.
Personat e apostrofuar në këtë raportim prezumohen të pafajshëm derisa fajësia e tyre të mos provohet me vendim të formës së prerë nga gjykata.
Përditësime
Policia e Kosovës ka bërë të ditur se incidenti ka ndodhur në rrugën 'Xheladin Hana', ndërsa raportimi zyrtar është pranuar në orën 02:00.