Një aksident rrugor ndodhi në Durrës, ku dy të mitur humbën jetën dhe një tjetër mbeti i plagosur rëndë. Ngjarja u regjistrua teksa fëmijët luanin në trotuar dhe një mjet tip Benz ML, i drejtuar nga Nikoll Radaçi, humbi kontrollin dhe i përplasi.
Për pasojën, dy të miturit ndërruan jetë, ndërsa i mbijetuari ndodhet në spital në gjendje të rëndë, nën kujdesin e mjekëve. Njëri nga viktimat humbi jetën përballë dyqanit të familjarëve të tij, ku jetonte me motrën dhe të afërm të tjerë. Prindërit e tij ndodhen në Itali për kurimin e babait nga kanceri.
Mësohet se viktima tjetër dhe i plagosuri janë kushërinj. Shoferi Nikoll Radaçi njihej në zonë si person problematik. Fqinjët thonë se ai kryente manovra të rrezikshme me makinë dhe konsumonte alkool.