Një aksident i rëndë rrugor është regjistruar në rajonin Friuli të Italisë, në Mariano del Friuli, përgjatë Variante 306. Përplasja ka ndodhur pasditen e së mërkurës, rreth orës 13:00, mes një kamioni, të cilin e drejtonte një shtetas shqiptar, dhe një furgoni frigoriferik, të drejtuar nga një 48-vjeçar italian.
Si pasojë e përplasjes së fortë, drejtuesi i furgonit ka humbur jetën në vendngjarje. Shoferi shqiptar është plagosur rëndë dhe është transportuar me helikopter në spital. Burimet raportojnë se ai është dërguar në spitalin e Udines ose Spitalin Cattinara. Ai ndodhet në gjendje kritike dhe po merr trajtim intensiv. Identiteti i tij nuk është bërë publik.
Kamioni transportonte zhavorr dhe udhëtonte në drejtim të kundërt me furgonin, i cili shkonte nga Gradisca d’Isonzo për në Cormons. Policia italiane po heton shkaqet e aksidentit për të përcaktuar rrethanat e plota.
Autoritetet kanë mbyllur përkohësisht rrugën për hetime dhe ndihmë të shpejtë.