Shqiptari Tili Pilinci, 39 vjeç, ka ndërruar jetë më 7 mars në njësinë e kujdesit intensiv të spitalit Villa Sofia në Palermo, pas katër ditësh luftë me plagët e rënda të marra në aksidentin rrugor të 3 marsit në autostradën Naro-Camastra të Siçilisë në Itali.
Ai drejtonte automjetin që u përplas me një kamion të rëndë të ngarkuar me fruta dhe perime, pak para agimit të së hënës. Në atë moment humbi jetën menjëherë Flori Topalli, 24 vjeç, ndërsa 6 persona të tjerë u plagosën, mes tyre Pilinci në gjendje më të rëndë.
Pilinci u shtrua fillimisht në spitalin Barone Lombardo të Canicattì-së, por u transferua menjëherë në Palermo për shkak të gjendjes kritike. Mjekët e konsideruan prognozën konfidenciale që në fillim.
Të dy viktimat dhe të plagosurit ishin shqiptarë të moshës 24 deri në 39 vjeç, që jetonin në Canicattì dhe Naro. Ata kishin mbërritur së fundmi në Itali për punë sezonalë në bujqësi dhe po udhëtonin drejt vendit të punës në momentin e aksidentit.
Autoritetet italiane kanë nisur hetimet për të zbardhur rrethanat e ngjarjes. Të lënduarit e tjerë janë në gjendje të qëndrueshme.